საქართველოს სტატისტიკის ეროვნულმა სამსახურმა სასოფლო მეურნეობათა შერჩევითი გამოკვლევის 2012 წლის დასკვნითი და 2013 წლის საწყისი გამოკითხვების საველე სამუშაოები დაიწყო. გამოკვლევა ხორციელდება შემთხვევითი პროცედურით შერჩეული სასოფლო მეურნეობების გამოკითხვის გზით (სულ დაახლოებით 5000).
აღნიშნული გამოკვლევის შედეგად საქსტატი მიიღებს საქართველოს სოფლის მეურნეობის სტატისტიკის სხვადასხვა მაჩვენებლებს 2012 წლისათვის. ესენია: მეცხოველეობის ძირითადი პროდუქტების წარმოება (ხორცი, რძე, კვერცხი), მონაცემებს პირუტყვისა და ფრინველის სულადობის შესახებ (მსხვილფეხა რქოსანი პირუტყვი (მათ შორის ფური და ფურკამეჩი), ღორი, ცხვარი, თხა და ფრინველი) ასევე ძირითად მაჩვენებლებს მემცენარეობის შესახებ (ერთწლიანი და მრავალწლიანი კულტურების ნათესი და აღებული ფართობები, მოსავალი და მოსავლიანობა)
