დღეს, 11 იანვარს, სრულიად საქართველოს კათოლოკოს-პატრიარქის, უწმინდესისა და უნეტარესის, ილია მეორის აღსაყდრებიდან 35-ე და დაბადებიდან 80-ე წლისთავთან დაკავშირებით წმ. ანდრია პირველწოდებულის სახელობის ქართულ უნივერსიტეტში სამეცნიერო კონფერენცია გაიხსნება.
დღევე სტუმრები შეხვდებიან საქართველოს პარლამენტის თავმჯდომარეს, დავით უსუფაშვილს და პრემიერ-მინისტრს, ბიძინა ივანიშვილს.
დღის ბოლოს ფილარმონიის დიდ საკონცერტო დარბაზში საზეიმო კონცერტი გაიმართება.
12 იანვარს საქართველოში სტუმრად მყოფნი მართლმადიდებელი ეკლესიის წარმომადგენელი საპატიო სტუმრები დავით გარეჯის ან შიომღვიმის მონასტრებს მოილოცავენ. ასევე, სამების საკათედრო ტაძარში ლოცვა გაიმართება.
13 იანვარს კი, კათოლიკოს-პატრიარქი საზეიმო წირვას სამების საკათედრო ტაძარში სხვადასხვა მართლმადიდებელი ეკლესიის წარმომადგენლებთან ერთად აღავლენს.
სასულიერო პირები თბილისს 14 იანვარს დატოვებენ.