სრულიად საქართველოს კათოლოკოს-პატრიარქის, უწმინდესისა და უნეტარესის ილია მეორის აღსაყდრებიდან 35-ე და დაბადებიდან 80-ე წლისთავთან დაკავშირებით საიუბილეო ღონისძიებებში მონაწილეობისთვის მსოფლიო პატრიარქი ბართლომეოს პირველი ჩამოვიდა. მსოფლიო პატრიარქს აეროპორტში საქართველოს კათოლოკოს-პატრიარქი, პარლამენტის თავმჯდომარე და სინოდის წევრები დახვდნენ.
როგორც უწმინდესმა ბრძანა, მსოფლიო პატრიარქის ჩამოსვლა ხელს შეუწყობს საქართველოს ეკლესიის ავტოკეფალიის განვითარებას.
ბართლომეოს პირველმა კი ხაზგასმით აღნიშნა, რომ მისი ვიზიტი დასტურია საქართველოსა და კონსტსნტინეპოლის ეკლესიის ურთიერთპატივისცემის, სიყვარულისა და თანადგომისა. Mმან პატრიარქს სულიერების განმტკიცებისათვის ზრუნვისათვის დიდ ხანს სიცოცხლე უსურვა.
11 იანვარს დილის 10 საათზე საპატრიარქოს წმინდა ანდრია პირველწოებულის სახ. ქართულ უნივერსიტეტში დაიწყება ერთდღიანი სამეცნიერო კონფერენცია. იმავე დღეს სტუმრები შეხვდებიან საქართველოს პარლამენტის თავმჯდომარეს, დავით უსუფაშვილს და პრემიერ-მინისტრს, ბიძინა ივანიშვილს. საღამოს 8 საათზე სტუმრები დაესწრებიან საზეიმო კონცერტს, რომელიც ეძღვნება სრულიად საქართველოს კათოლიკოს-პატრიარქის, უწმინდესისა და უნეტარესი ილია II-ის ინტრონიზაციის 35 წლისთავისა და დაბადებიდან 80 წლის საიუბილეო თარიღებს.
12 იანვარს სტუმრები მოილოცებენ დავითგარეჯის, შიომღვიმისა და ბოდბის მონასტრებს. 13 იანვარს დილის 10 საათზე სრულიად საქართველოს კათოლიკოს-პატრიარქი ილია II, უცხოელ იერარქების თანამწირველობით საზეიმო წირვას აღავლენს ყოვლადწმინდა სამების საპატრიარქო ტაძარში. 14 იანვარს უცხოელი სტუმრები საქართველოდან გაემგზავრებიან.
