რეგიონული განვითარებისა და ინფრასტრუქტურის მინისტრი დავით ნარმანია კომპანიების - ,,Swarco"-სა და "KSB"-ს ხელმძღვანელ პირებს, მათიას ჰესლინგსა და ლოთარ გაუბს შეხვდა. აღნიშნული კომპანიების საქმიანობის ერთ-ერთი სფერო ავტომაგისტრალების კეთილმოწყობა და უსაფრთხოებაა. მათ მიერ, ულტრათანამედროვე ტექნოლოგიებზე დაყრდნობით, მზადდება და მონტაჟდება განათების და მოძრაობის მართვის სისტემები და საგზაო ნიშნები. აღნიშნული კომპანიების წარმოებული პროდუქცია მსოფლიოს 45 ქვეყანაში გამოიყენება.
შეხვედრაზე საუბარი შეეხო სამინისტროსა და აღნიშნულ კომპანიებს შორის თანამშრომლობის ფორმებს ინფრასტრუქტურულ პროექტებში მონაწილეობასა და ენერგოდამზოგავი ტექნოლოგიების გამოყენებასთან დაკავშირებით.
,,Swarco"-სა და "KSB"-ს წარმომადგენლებს წარედგინათ სამინისტროს საქმიანობის ძირითადი პრინციპები და მიმართულებები და განემარტათ სატენდერო პროცედურები. აღსანიშნავია, რომ ზემოთხსენებულ კომპანიებს უკვე აქვთ საქართველოში საქმიანობის გამოცდილება. თუმცა, ახალი ხელისუფლების პირობებში მეტი გააქტიურება აქვთ გადაწყვეტილი.
მასალის გამოყენების პირობები
