უზენაესი სასამართლოს თავმჯდომარე კოტე კუბლაშვილი ნაფიც მსაჯულთა ინსტიტუტის განვითარებას მიესალმება. როგორც ჟურნალისტებთან კუბლაშვილმა განაცხადა მას ნაფიც მსაჯულთა ინსტიტუტის განვითარების საწინააღმდეგო არაფერი აქვს.
,,იმისათვის, რომ გავაფართოვოთ ნაფიც მსაჯულთა განსჯადობა აუცილებელია საკანონმდებლო ცვლილებების განხორციელება. მეორე მხრივ, ეს საკითხი გადასაწყვეტია იმ კონკრეტული თორმეტი ადამიანის რომელიც შეირჩევა ნაფიც მსაჯულთა სისტემით. თქვენ იცით, რომ ნაფიც მსაჯულთა შერჩევის საკმაოდ ობიექტური სისტემაა და იმედი მაქვს, რომ ეს სისტემა განვითარდება", -განაცხადა კუბლაშვილმა.
შეგახსენებთ, რომ იუსტიციის სამინისტრო ნაფიც მსაჯულთა ინსტიტუტის დახვეწასა და გაძლიერებაზე მუშაობს. სამინისტროში, მთავარი პროკურორის ინიციატივით, საქართველოს სისხლის სამართლის საპროცესო კოდექსში შესატან ცვლილებათა პროექტი მომზადდა. პროექტის თანახმად, ნაფიც მსაჯულთა სასამართლოს განსჯადობა ფართოვდება: ნაფიცი მსაჯულები იმ საქმეებსაც განიხილავენ, რომელზეც მაღალი საზოგადოებრივი ინტერესი არსებობს.
