თავდაცვის მინისტრი ირაკლი ალასანია ჰოლანდიის პარლამენტის თავდაცვის კომიტეტის თავმჯდომარეს ტენ ბრუკს შეხვდა. როგორც ჟურნალისტებთან შეხვედრის დასრულების შემდეგ ალასანიამ განაცხადა შეხვედრაზე საუბარი შეეხო თავდაცვის უწყებაში მიმდინარე რეფორმებს.
"განსახილველი საკითხი შეხვედრაზე იყო საქართველოს ევროატლანტიკურ სივრცეში ინტეგრაცია, რომელსაც ჰოლანდია მხარს უჭერს. ასევე, სასარგებლო საუბრები გვქონდა იმ რეფორმების შესახებ, რაც იგეგმება სამინისტროში და იმ აქტიურობაში, რომელიც საქართველომ აუცილებლად უნდა გამოიჩინოს ევროატლანტიკურ სივრცეში ინტეგრაციისთვის", - განაცხადა ალასანიამ.
საქართველოში ვიზიტის ფარგლებში ტენ ბრუკი უკვე შეხვდა საპარლამენტო ოპოზიციის ერთ-ერთ ლიდერს დავით დარჩიაშვილს.
