„მივმართავთ გადასახადის გადამხდელებს, ჩვენ შევასრულეთ ჩვენი პირობა ჯარიმებისა და სანქციების ლიბერალიზაციის კუთხით, ამავე დროს, კიდევ ერთხელ და ცალსახად ვაცხადებთ: განვაგრძობთ სამართლიან, ეფექტურ და აქტიურ საგადასახადო ადმინისტრირებას.

არ არსებობს არცერთი სფერო და მიმართულება, რომელიც არ ექვემდებარება საგადასახადო კანონმდებლობით დადგენილ ქმედებებს.

ჩვენ გვაქვს მკაცრი მონიტორინგი ჩვენი სამსახურების ქმედებებზე და შესაბამისად, განვიხილავთ თითოეულ საჩივარს და გამოვრიცხავთ გადასახადის გადამხდელის მიმართ რაიმე სახის მართლსაწინააღმდეგო ღონისძიებას"- აცხადებს ხატია მოისწრაფიშვილი.

მისივე ინფორმაციით, 2012 წლის დეკემბრის ბიუჯეტი, 680,4 მილიონი ლარი შესრულებულია 102 % -ით, გადაჭარბებამ შეადგინა (11.1 მლნ.ლარი). 2011 წლის ამავე პერიოდის მაჩვენებელი შეადგენდა 670.9 მილიონ ლარს.

აქვე უნდა აღინიშნოს, რომ 2012 წლის დეკემბრის ბიუჯეტი შესრულებულია საგადასახადო ადმინისტრირების ხარჯზე, ძირითადად მცირე და საშუალო ბიზნესიდან შემოსული თანხებით. რაც ნიშნავს იმას, რომ მცირე და საშუალო ბიზნესს შექმნილი აქვს მიმზიდველი სამუშაო გარემო და მთელი დატვირთვით ფუნქციონირებს. აღსანიშნავია, ისიც რომ, ბიუჯეტის შევსებასთან დაკავშირებით პირველად, არ გამოყენებულა გასულ წლებში არსებული, სამთავრობო უწყებებიდან და კერძო სექტორიდან ერთჯერადი ჩარიცხვებისა და ზედმეტად გადახდილი თანხების უკანონო პრაქტიკა.

გარდა ამისა, გაუქმდა კერძო საგადასახადო ინსპექტორებთან გაფორმებული ხელშეკრულებები; შემოსავლების სამსახურის გადაწყვეტილებით, გადამხდელები სალარო აპარატების მომსახურებისთვის წელიწადში ორჯერ გადაიხდიან 30 ლარს, წინასწარ 60 ლარის ნაცვლად; გაძლიერდა კონტრაბანდას თანბრძოლა, თითქმის გაორმაგდა საბაჟო საზღვარზე გამოვლენილი სამართალდარღევების რაოდენობა (სექტემბერი-ოქტომბერი 298 სამართალდარღვევა - ნოემბერი-დეკემბერი 518 სამართალდარღევავა)