სუპერმარკეტების ქსელი „სმარტი" და სადაზღვევო კომპანია „აი სი ჯგუფი" ერთობლივ საახალწლო აქციას ახორციელებენ. „აი სი ჯგუფი" `სმარტთან" თანამშრომლობით, მომხმარებელს ერთობლივ პროექტს სთავაზებს. 15 იანვრამდე ყველა, ვინც დააზღვევს ავტომობილს „აი სი ჯგუფში" საჩუქრად მიიღებს სუპერმარკეტი „სმარტის" 100, 150 ან 200 ლარიან სასაჩუქრე ვაუჩერს. აქციას სუპერმარკეტი "სმარტის" რუსთაველის გამზირზე განთავსებული ობიექტი მოემსახურება, რომელშიც მომხმარებელს საშუალება ექნება შეიძინოს 30,000-მდე დასახელების უმაღლესი ხარისხის ევროპული თუ ადგილობრივი წარმოაბიების პროდუქტი.
როგორც „აი სი ჯგუფის" აღმასრულებელი დირექტორი გიორგი შენგელია განმარტავს, საახალწლო აქცია მაქსიმალურად არის მორგებული ქართველი მომხმარებლების პროფილზე. დაზღვევის ფასები აქციის ფარგლებში მნიშვნელოვნად დაბალია სხვა ანალოგ შემოთავაზებებზე და რაც მთავარია შეთავაზება გათვლილია როგორც მაღალ, აგრეთვე საშუალო და დაბალ შემოსავლების მქონე მომხმარებლებზე. 15 იანვრამდე ნებისმიერი მსურველი შეძლებს დააზღვიოს ავტომობილი, იმგზავროს უსაფრთხოდ და შეხვდეს ახალ წელს მრავალფეროვანი საახალწლო სუფრით და საჩუქრებით.აქციის განმავლობაში ავტოდაზღვევის ფასი წლიური 3.3%-დან იწყება და დამოკიდებულია მომხმარებლის მიერ შეძენილ პაკეტზე. დამატებით, სმარტის ვაუჩერთან ერთად დაზღვეული ავტომობილის მფლობელს გადაეცემა ფასდაკლების ბარათი, რომლითაც შეძლებს ისარგებლოს ავტოსამრეცხაოებზე, ავტოსალონებში და სხვადასხვა სერვის ცენტრებში.
შეგახსენებთ, რომ „ვისოლ ჯგუფმა" „სმარტის" ქსელის განვითარება 2010 წელს დაიწყო. „სმარტის" სუპერმარკეტები დღესდღეობით წარმატებით ფუნქციონირებს რუსთაველის გამზირზე (ფოსტის ყოფილ შენობაში), აღმაშენებლის ხეივნის მე-13 კილომეტრზე, ვაზისუბნის მეორე მიკრორაიონში, კახეთის გზატკეცილზე, გუდაურში, ზუგდიდში, მარნეულში, ახალციხეში, ყვარელსა და ჩქაროსნული ავტომაგისტრალის გორის მონაკვეთზე.