ბათუმს ეწვევა ბრიტანეთის საბჭოს თეატრისა და ქორეოგრაფიის მიმართულების კონსულტანტი - ენდრიუ ჯოუნსი და ბრიტანეთის საბჭოს დირექტორი საქართველოში ზაზა ფურცელაძე.
ვიზიტის დროს გაიმართება შეხვედრები აჭარის თეატრალური სფეროს წამრომადგენლებთან, აჭარის განათლების, კულტურისა და სპორტის მინისტრთან და სხვა ოფიციალურ პირებთან. ვიზიტის მიზანია აჭარის თეატრების დღევანდელი ვითარების გაცნობა, საჭიროებების, სარეპერტუარო პოლიტიკისა და სხვა შესაბამისი საკითხების შესახებ ინფორმაციის მიღება. ასევე, მხარეებს შორის ინფორმაციის გაცვლა და პროექტის განვითარების დაგეგმვა.
თეატრალური პარტნიორობის პროექტის განხორციელება დაიწყო 2012 წლის 14 სექტემბერს აჭარის განათლების, კულტურის და სპორტის სამინისტროსა და ბრიტანეთის საბჭოს შორის ხელშეკრულების საფუძველზე. პროექტი ითვალისწინებს ქართველი და ბრიტანელი თეატრის პროფესიონალებს შორის გამოცდილების გაზიარებას, პროფესიული განვითარების და შემოქმედებითი ზრდისათვის გამიზნული ღონისძიებების გატარებას და ერთობლივი სპექტაკლების განხორციელებას.
ვიზიტის მიზანია აჭარის თეატრების დღევანდელი მდგომარეობის, საჭიროებების, სარეპერტუარო პოლიტიკისა და სხვა შესაბამისი საკითხების შესახებ ინფორმაციის მიღება. ასევე, ინფორმაციის გაცვლა და პროექტის განვითარების დაგეგმვა
