საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს „ცხელ ხაზზე" ბოლო 3 თვის განვალობაში (სექტემბრი, ოქტომბერი, ნომებერი) 5 668 მოქალაქის ზარი დაფიქსირდა.
იძულებით გადაადგილებულ პირთა ძირითადი საჭიროება და კითხვა დევნილთა განსახლებას ეხება. კერძოდ, დევნილი საზოგადიების ის ნაწილი, რომელთაც საბინაო პრობლემა წლების განმავლობაში არ მოგვარებია, აინტერესებთ, როდის დაკმაყოფილდებიან საცხოვრებელი ფართით. განსახლების საკითხთან დაკავშირებით ბოლო 3 თვეში 1926 ზარი დაფიქსირდა; კომუნალურ საკითხებთან დაკავშირებით 134-მა ადამიანმა დარეკა; დევნილის სტატუსთან დაკავშირებით 677 ზარი დაფიქსირდა; კომპენსაციებსა და ერთჯერად დახმარებებზე კი 478 ზარი შემოვიდა.
დანარჩენი კითხვები კი სხვადასხვა საკითხს ეხებოდა, რომლის გადამისამართება მოხდა როგორც სამინისტროს სტრუქტურულ ერთეულებში, ასევე სამინისტროს გარეთ, სახელმწიფო თუ არასახელმწიფო უწყებებში.
მასალის გამოყენების პირობები
