როგორც დანელია აცხადებს, როდესაც მას გაუჩნდა სურვილი პლანეტა პლიუკზე დაბრუნებულიყო, მიხვდა, რომ იგი ვერ გადაიღებდა მხატვრულ ფილმს, რადგანაც ფილმში დაკავებულ მსახიობებებს ლეონოვს, იაკოვლევს და სხვებს ვერავინ შეცვლიდა. შესაბამისად, გაჩნდა ანიმაციური ფილმის შექმნის იდეაც, რომლის სცენარიც თავად დანელიამ დაწერა.
ახალი ფილმის ავტორი აცხადებს, რომ ეს არ იქნება წინა ფილმის გაგრძელება, არამედ იქნება სრულიად ახალი - თანამედროვე ისტორია, რომელშიც მოხვდება გარკვეული მონაკვეთი ცნობილ პლანეტაზე გატარებული ცხოვრებიდან.
" ეს ისტორია ახალია. ის ეფუძნება სწორედ იმ საყვარელ "ქინ-ძა-ძას". უფრო აქტუალური კინო, სრულიად სხვა", - აცხადებს ფილმის პროდიუსერი სერგეი სელიანოვი.
ქინ-ძა-ძა! გიორგი დანელიას საკულტო ორსერიანი მხატვრული ფილმი ეკრანებზე 1986 წელს გამოვიდა.
ფილმი ეფუძნება სცენარს, რომელიც მანამდე დაიწერა რეზო გაბრიაძესთან ერთად და არ იყო ჩაფიქრებული, როგორც კინოსურათი. მოგვიანებით მან შეიძინა საინტერესო, ფილოსოფიურ-სატირული კომედიის სახე. ფილმმა მნიშვნელოვანი გავლენა იქონია საბჭოთა მაყურებლებზე, ფრაზებმა, რომლებიც მასში ჟღერს და ცალკე გამოყენებული ტერმინები (მაგ.: გრავიცაპა, პეპელაცი, ჩატლი) მოახდინეს ინტეგრირება მეტყველებაშიც.
ფილმში მონაწილეობდნენ სტანისლავ ლუბშინი, ევგენი ლეონოვი, ლევან გაბრიაძე, იური იაკოვლევი და სხვ.