22-23 ნოემბერს, 12:00 საათზე, თბილისში ჰუალინგის საერთაშორისო სპეციალური ეკონომიკური ზონაში, „ჩინეთის სინძიანის საექსპორტო საქონლის გამოფენა 2012"-ი გაიმართება. როგორც ღონისძიების ორგანიზატორები განმარტავენ, ღონისძიებაში მონაწილეობას მიიღებს 200-მდე საწარმო, 400-მდე მეწარმე, 300-ზე მეტი გენერალური მენეჯერი ჩინეთის სხვადასხვა საწარმოდან.
იმავდროულად გამოგენაზე, წარმოდგენილი იქნება პროდუქციის 120-ზე მეტი სახეობა ისეთი დარგებიდან როგორიცაა: მშენებლობა და დეკორაცია, კერამიკა და სანიტარული მოწყობილობები, ელექტრომექანიკური მოწყობილობები, ხელოვნების და ხელნაკეთი ნიმუშები, საოჯახო და განათების ნივთები, სასტუმროების პროდუქცია, გამორჩეული სასოფლო სამეურნეო პროდუქცია, ტანსაცმელი, საწოლების აქსესუარები, ყოველდღიური მოხმარების საგნები და ა.შ. საგამოფენო დარბაზი მოიცავს 4000 კვ.მ - ს.
„ჩინეთის სინძიანის საექსპორტო საქონლის გამოფენა 2012"-ი საქართველოში სავაჭრო-სამრეწველო პალატის, ჩინეთის სახალხო რესპუბლიკის საელჩოს და სინძიანის ურუმჩის ავტონომიური რეგიონალური კომერციული დეპარტამენტისა და ურუმჩის საქალაქო სახალხო მთავრობის ორგანიზებით გაიმართება.
მასალის გამოყენების პირობები