ისრაელის ჯარისკაცებმა ხუთი პალესტინელი მოკლეს და 20 ადამიანი დაჭრეს, - ამის შესახებ ღაზას სექტორში პალესტინელთა წარმომადგენლები აცხადებენ.
მათი განცხადებით, ინცინდენტი მას შემდეგ მოხდა, როცა ისრაელის პატრულის მიმართულებით საზღვართან ახლოს ცეცხლი გაიხსნა.
ბი-ბი-სი თვითმხილველებზე დაყრდნობით იტყობინება, რომ ისრაელის ტანკების მიმართულებით გახსნილ ცეცხლს საპასუხო სროლა მოჰყვა, რომლის შედეგადაც ხუთი ადამიანი დაიღუპა, 20 კი დაიჭრა.
აღნიშნულ ინცინდენტზე ამ დრომდე ისრაელის მხარეს კომენტარი არ გაუკეთებია.
