ფოთოს პორტში სამუშაო პროცესი აღდგა. პორტის თანამშრომლებმა გაფიცვა მას შემდეგ შეწყვიტეს, რაც მათი მოთხოვნა, სახელფასო განაკვეთის ზრდასთან დაკავშირებით, შესრულდა. მუშებს ხელფასს 20 პროცენტით გაუზრდიან.
გადაწყვეტილება ხელფასის გაზრდასთან დაკავშირებით კი მას შემდეგ იქნა მიღებული, რაც წუხელ, გვიან ღამით, ფოთში, საქართველოს ეკონომიკისა და მდგრადი განვითარების მინისტრი და პროფკავშირების თავმჯდომარე ჩავიდნენ. როგორც მინისტრმა განაცხადა, პორტის ხელმძღვანელობამ პირობა დადო, რომ თანამშრომლებს ხელფასებს პირველი დეკემბრიდან გაუზრდიან, ხოლო გაფიცული დღეების საფასურს აუნაზღაურებენ. რაც შეეხება სხვა სადავო საკითხებს, ის ახლო მომავალში, პრემიერთან შექმნილი სპეციალური კომისიის ფარგლებში იქნება განხილული - აღნიშნა მინისტრმა.