საქართველოს საგარეო საქმეთა სამინისტრო ვიქტორ იანუკოვიჩის კანდიდატურისადმი სკეპტიკურ დამოკიდებულებას "უსაფუძვლოდ" მიიჩნევს და აცხადებს, რომ უკრაინის ხელისუფლებაში მისი მოსვლის მიუხედავადაც, ორ ქვეყანას შორის ურთიერთობები "გაგრძელდება და გაღრმავდება".
"მიუხედავად ვიქტორ იანუკოვიჩის კანდიდატურისადმი სკეპტიკური დამოკიდებულებისა, საქართველო უკრაინის ნებისმიერ ხელისუფლებასთან ითანამშრომლებს, ურთიერთობას გააგრძელებს და გააღრმავებს", - განუცხადა ჟურნალისტებს საქართველოს საგარეო საქმეთა მინისტრის მოადგილე ნინო კალანდაძემ უკრაინის ხელისუფლებაში ვიქტორ იანუკოვიჩის შესაძლო მოსვლის საკითხზე კომენტირებისას.
ამასთან, მისივე განმარტებით, საქართველო უკრაინელი ხალხის ნებისმიერ არჩევანს მიესალმება.
შეგახსენებთ, რომ უკრაინაში საპრეზიდენტო არჩევნების მეორე ტური გუშინ გაიმართა. წინასწარი ინფორმაციით, მასში იულია ტიმოშენკოს ვიქტორ იანუკოვიჩი 3 %-ით ლიდერობს.
