ოფიციალური თბილისი უკრაინის მიერ საქართველოსთან უვიზო რეჟიმისა და ოკუპირებული ტერიტორიების არაღიარების პოლიტიკის გადახედვას გამორიცხავს.
"საფრთხე იმისა, რომ უკრაინის მხრიდან საქართველოსთან უვიზო რეჟიმისა და ოკუპირებული ტერიტორიების არაღიარების პოლიტიკის გადახედვა მოხდეს, უსაფუძვლოა", - განუცხადა საქართველოს საგარეო საქმეთა მინისტრის მოადგილე ნინო კალანდაძემ აღნიშნულ საკითხზე კომენტირებისას ჟურნალისტებს.
მისივე განმარტებით, არ არსებობს არც საქართველოსა და უკრაინის ურთიერთობებში ბზარის გაჩენის საფრთხეც.
"ამის გარანტია ქვეყნებს შორის სტრატეგიული და ხალხთა შორის მჭიდროურთიერთობაა", - განმარტა კალანდაძემ.
შეგახსენებთ, რომ უკრაინა პრეზიდენტს იცვლის. საქართველოს მეგობარ ქვეყანაში საპრეზიდენტო არჩევნების მეორე ტური გუშინ ჩატარდა. წინასწარი მონაცემებით, მასში პრორუსულად განწყობილი კანდიდატი, "რეგიონების პარტიის" ლიდერი ვიქტორ იანუკოვიჩი ლიდერობს.