სასჯელაღსრულების რუსთავის #16 დაწესებულების დირექტორს ლევან აბურჯანიას უფლებამოსილება შეუწყდა. ამის შესახებ ჟურნალისტებს სასჯელარასრულების, პრობაციისა და იურიდიული დახმარების მინისტრმა სოზარ სუბარმა განუცხადა. მისი თქმით, დირექტორის მოვალეობას აბურჯანიას მოადგილე შეასრულებს.
სუბარს მოადგილის გვარი არ დაუსახელებია, რადგან მისი თქმით , მისი სახელი და გვარი არ იცის.
შეგახსენებთ, რომ რუსთავის #16 დაწესებულებაში მყოფი პატიმრები ლევან აბურჯანიას მხრიდან ფსიქოლოგიურ ზეწოლაზე საუბრობენ. პატიმრები აცხადებდნენ, რომ აბურჯანიამ მათ პირადად ჩაუდო ნარკოტიკი. მათივე განცხადებით, აბურჯანია მათ დაემუქრა, რომ" ახალია მონაგონი იქნება, თუმცა ის ცოცხს და რეზინის ხელკეტების არ გამოიყენებს და პატიმრებს დენით წამების მეთოდებით გაუსწორდება. მესამე დღეა რუსთავის მე-16 საპატიმროსთან აქცია გრძელდება. ციხის მიმდებარე ტერიტორიაზე ისევ არიან შეკრებილი პატიმრების ოჯახის წევრები და ახლობლები, მათ მოთხოვნები უცვლელია - ციხის ახლად დანიშნული დირექტორის ლევან აბურჯანიას და ადმინისტრაციის 23 ძველი თანამშრომლის გათავისუფლება.
