საქართველოში უკრაინის ელჩის ვასილ ციბენკოს განცხადებით, საქართველოსა და უკრაინის ურთიერთობას პრეზიდენტები ვერ შეცვლიან.
"ადრეც ვთქვი და ახლაც ვიმეორებ - საქართველოსა და უკრაინის ურთიერთობას, ხალხთა შორის მეგობრობას, ვინც არ უნდა იყოს პრეზიდენტი, ვერ შეცვლის", - განუცხადა უკრაინელმა დიპლომატმა ქართველ ჟურნალისტებს.
ამასთან, მან ქართულ მედიას უკრაინაში მიმდინარე საპრეზიდენტო არჩევნების მეორე ტურის ობიექტურად გაშუქებისთვის მადლობაც გადაუხადა.
"არჩევნები მშვიდად და დემოკრატიულად მიმდინარეობს. მისი ობიექტურად გაშუქება მნიშვნელოვანია, რისთვისაც ქართულ მედიას დიდი მადლობა", - განმარტა ციბენკომ.
შეგახსენებთ, რომ უკრაინის საპრეზიდენტო არჩევნებთან დაკავშირებით ხმის მიცემა თბილისსა და ბათუმშიც მიმდინარეობს.
თითო საარჩევნო უბანი უკრაინის საკონსულოებში 08:00 საათზე გაიხსნა.
ოფიციალური ინფორმაციით, თბილისში სულ 320 უკრაინელი ამომრჩეველია რეგისტრირებული, აქედან ხმა 8 %-მა უკვე მისცა ხმა. რაც შეეხება ბათუმს, აჭარაში, იმერეთში, გურიასა და აფხაზეთში სულ საარჩევნო ასაკის მქონე 1 10 ადამიანი ცხოვრობს.
საარჩევნო უბნები თბილისსა და ბათუმში არსებულ უკრაინის საკონსულოებში 20L00 საათზე დაიხურება.