"ეროვნული სასწავლო გეგმის დამტკიცების შესახებ" საქართველოს განათლებისა და მეცნიერების მინისტრის 2011 წლის 11 მარტის №36/ნ ბრძანებაში ცვლილება შედის.
როგორც 2012 წლის 18 ოქტომბრის ბრძანება №231-შია აღნიშნული,
"ნორმატიული აქტების შესახებ" საქართველოს კანონის მე-20 მუხლის მე-4 პუნქტის საფუძველზე, "ეროვნული სასწავლო გეგმის დამტკიცების შესახებ" საქართველოს განათლებისა და მეცნიერების მინისტრის 2011 წლის 11 მარტის №36/ნ ბრძანების (ვებპორტალი, 18.03.2011, სარეგისტრაციო კოდი 430210000.22.022.016076) პირველი მუხლით დამტკიცებული ეროვნული სასწავლო გეგმის მე-4 მუხლის პირველი პუნქტი ჩამოყალიბდება შემდეგი რედაქციით:
"1. ზოგადსაგანმანათლებლო დაწესებულებაში კლასში მოსწავლეთა მაქსიმალური რაოდენობა განსაზღვრულია 30 მოსწავლით. "ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ" საქართველოს განათლებისა და მეცნიერების მინისტრის 2005 წლის 15 სექტემბრის №448 ბრძანების №4 და №6 დანართებით დამტკიცებულ სკოლებში კლასში მოსწავლეთა საერთო რაოდენობა არ უნდა აღემატებოდეს 10-ს".
შეგახსენებთ: ძველი რედაქციით მე-4 მუხლის (მოსწავლეთა რაოდენობა საჯარო სკოლაში) პირველი პუნქტი შემდეგნაირი იყო: "კლასში მოსწავლეთა მაქსიმალური რაოდენობა განსაზღვრულია 30 მოსწავლით".
ბრძანება, რომელსაც ხელს აწერს საქართველოს განათლებისა და მეცნიერების მინისტრის მოვალეობის შემსრულებელი ხატია დეკანოიძე, ამოქმედდება გამოქვეყნებისთანავე.