რუმინეთს რაკეტსაწინააღმდეგო სისტემის საკუთარ ტერიტორიაზე განთავსება სურს. ამის შესახებ "ნიუ იორკ თაიმსი" იუწყება. სტატიაში ნათქვამია, რომ მაშინ როცა ანტისარაკეტო ფარის დამონტაჟებას ყველა პოლონეთსა და ჩეხეთში ვარაუდობდა, რუმინეთის ინიციატივა ერთობ მოულოდნელია.
რუმინეთის პრეზიდენტის, ტრაინ ბესესკუს განცხადებით, მისი ქვეყანა მზადაა ზემოთხსენებული რაკეტების განთავსებისთვის, თუმცა ეს ალბათ 2015 წლამდე ვერ მოხერხდება, რადგან აშშ-ს პრეზიდენტმა, ბარაკ ობამამ ევროპაში ანტისარაკეტო ფარის დამონტაჟება ამ დრომდე გადადო.
"რაკეტები არ იქნება უშუალოდ რუსეთის წინააღმდეგ მიმართული, თუმცა დაიცავს რუმინეთს და ევროპას აბსოლუტურად ყველა საფრთხისგან", განაცხადა ბრესესკუმ.
რუმინეთის ინიციატივას თურქეთში მყოფი აშშ-ს თავდაცვის მდივანიც გამოეხმაურა.
"ჯერჯერობით ვერაფერს გეტყვით, რადგან მხოლოდ ნატოს მინისტერიალზე ვარ კონცენტრირებული, თუმცა რუმინეთის სურვილს მივესალმებით", - რობერტ გეიტსი.
პოლიტიკური მიმომხილველები მიიჩნევნ, რომ ბრესესკუს ასეთი სიჩქარე ქვეყნის შიდაპოლიტიკური კრიზისით არის გამოწვეული. ანალიტიკოსები ბრესესკუს გამოსვლიდან ერთ დეტალზე ამახვილებენ ყურდღებას - რუმინეთის პრეზიდენტი რამდენჯერმე იმეორებს, რომ ანტისარაკეტო ფარის დამონტაჟება, მხოლოდ მისი მეორე ვადით პრეზიდენტობის დროს მოხდება - ბრესესკუ მესიჯს უგზავნის რუმინელ ხალხს, რომ თუ კვლავ მას აირჩევენ პრეზიდენტად, იგი მათ რუსეთისგან დაიცავს.
შეგახსენებთ, რომ თუ რუმინეთში ამერიკულ რაკეტებს დაამონტაჟებენ ეს შავ ზღვაში მოხდება.
