ჩემი მინისტრად დანიშვნისთანავე ყველა პოლიციელი, ყველა პროფესიონალი იქნება მაქსიმალურად დაფასებული და დაცული ჩემ მიერ, - განაცხადა შს მინისტრობის კანდიდატმა ირაკლი ღარიბაშვილმა ტელეკომპანია "იმედის" ეთერში.
მისი თქმით, თავად იქნება იმის გარანტი, რომ ვერც ერთ პოლიციელზე ვერ განხორციელდება პოლიტიკური ზეწოლა.
"მე ვიქნები გარანტი იმისა, რომ ვერც ერთ პოლიციელზე ვერ განხორციელდება პოლიტიკური ზეწოლა. ასევე, არც ერთი პოლიციელი არ გახდება პოლიტიკური დევნის ობიექტი. ეს არის ჩვენი მთავარი მისია და ამას არ დავუშვებთ. ვიქნები გარანტორი ვიზრუნო მათ დაცულობაზე, ჩვენ შევძლებთ რომ მთავარი ფუნქცია როგორიცაა - ვემსახუროთ ხალს - აღვასრულოთ. ჩვენ მაქსიმალურად ეფექტურ პოლიციას შევქმნით", - განაცხადა ღარიბაშვილმა.
მისივე თქმით, შსს ძალიან ეფექტურად მუშაობა წლების განმავლობაში, თუმცა იყო დაშვებული ძალიან დიდი შეცდომა. "პირველი, რასაც მე გავაკეთებ იქნება ის, რომ პოლიცია მთლიანად, სამინისტროს გავათავისუფლებ მთლიანად პოლიტიკური დაკვეთებისაგან. ეს არის ძალიან დიდი დანაშაული, როდესაც ის ასრულებს პოლიტიკურ დაკვეთებს. ეს არის ყველაზე დიდი მანკიერი მხარე", - განაცხადა ღარიბაშვილმა.