პანკისის ხეობაში, სოფელ ომალოში მიწის დამუშავების დროს აღმოჩენილი ქვა შესაძლოა ქვის ხანის სარიტუალო ნივთი იყოს.
როგორც კახეთის საინფორმაციო ცენტრს ახმეტის ძეგლთა დაცვის მთავარმა სპეციალისტმა ელდარ ჭიჭიაშვილმა განუცხადა, ასეთი ქვები იშვიათად მოიპოვება. ქვა შოკოლადის ფერია, პრიალებს და საგულდაგულოდ არის დამუშავებული.
„ჩემი ვარაუდით ეს ქვის ხანის პერიოდის სარიტუალო ქვა უნდა იყოს. ამას მაფიქრებინებს მასზე გამოყვანილი ფორმები, რომელიც შესაძლოა რომელიმე ცხოველს უკავშირდება", -აღნიშნა ჭიჭიაშვილმა. ქვის ზომა 11X7-ზეა.
