"ამას საპასპორტო შემოწმებას ვერ დავარქმევ ამას იმიტომ, რომ გალის რაიონის მოსახლეობას რომ მასობრივად რომ ჰქონდეს ე.წ. აფხაზური პასპორტი ასეთი რამ არ არსებობს. უბრალოდ სეპარატისტებს ამ შემოწმების ასე წარმოჩენა და მისთვის საპასპორტო კონტროლის დარქმევა უფრო აწყობთ როგორც ჩანს", _ აცხადებს კილანავა და აღნიშმნავს, რომ გალის რაიონში ამჟამად სათანადო დოკუმენტაციის არსებობა მოწმდება.
"სათანადო დოკუმენტაცია კი ეს არის დოკუმენტაცია, რომელიც ადასტურებს რომ ესა თუ ის ადამიანი მართლაც გალის რაიონის მაცხოვრებელია. ეს შეიძლება იყოს ყოფილი საბჭოთა კავშირის პასპორტი, სამხედრო ბილეთი, შრომის წიგნაკი ანუ რომელიმე საბუთი, რომელსაც ფოტოსურათი ახლავს თან. ამასთან ერთად, ამ დოკუმენტების ნუსხაში გალის რაიონში ასევე შედის მათი ე.წ. ადმინისტრაციის მიერ გაცემული ცნობა მიწერის შესახებ. სწორედ ამ დოკუმენტების შემოწმებაზეა საუბარი და არა პასპორტების შემოწმებაზე", _ აცხადებს კილანავა და განმარტავს, რომ ე.წ. აფხაზური პასპორტი გალის რაიონის მოსახლების მხოლოდ "მაქსიმუმ ორი ათასამდე ადამიანზე აქვთ გაცემული, იქ კი 45 -47 ათასი ადამიანი ცხოვრობს".

შეგახსენებთ, რომ აფხაზი სეპარატისტების მიერ გავრცელებული ინფორმაციით, გალის რაიონში ე.წ. საპასპორტო რეჟიმის კონტროლი მიმდინარეობს.