საქართველოს საგარეო საქმეთა სამინისტრო ოკუპირებული აფხაზეთის ე.წ. საგარეო საქმეთა სამინისტროს მიერ გავრცელებულ განცხადებს ეხმიანება და აღნიშნავს, რომ რუსეთის მიზანია, ხელი შეუშალოს ინციდენტების პრევენციისა და მათზე რეაგირების მექანიზმების სამუშაო ჯგუფების მუშაობის პროცესს.
"ამ გადაწყვეტილებით, მოსკოვი რეალური საფრთხის წინაშე აყენებს ინციდენტების პრევენციის მექანიზმებს. სამწუხაროა ის, რომ აქ, თბილისში გაკეთებული ზოგიერთი უპასუხისმგებლო განცხადება გახდა საბაბი იმისა და გამოყენებული იქნა იმისთვის, რომ ხელი შეეშალოს დიალოგს, მოლაპარაკების პროცესს. როგორც ნახეთ, ერთ-ერთი არგუმენტი, რომელიც გამოყენებული იქნა, იყო ის, რომ არ ხდება ევროკავშირის სადამკვირვებლო მისიის მიერ სათანადო რეაგირება იმ ბრალდებეზე, რომელიც ზოგიერთი პოლიტიკოსის მიერ იქნა გახმოვანებული თბილისში", - განაცხადა საქართველოს საგარეო საქმეთა მინისტრის მოადგილე სერგი კაპანაძემ.
შეგახსენებთ: ევროსაბჭოს სადამკვირვებლო მისიის ხელმძღვანელი აფხაზმა სეპარატისტებმა პერსონა ნონ-გრატად გამოაცხადეს. მიზეზი კი, როგორც კაპანაძე მიიჩნევს, დასავლეთ საქართველოში შეიარაღებული ფორმირებების შექმნის შესახებ "თავისუფალი დემოკრატების" ლიდერის მიერ გავრცელებული განცხადება გახდა.