"თქვენ გყავთ არაჩვეულებრივი პრეზიდენტი, რომელზეც მისი მიღწევების გამო მთელი მსოფლიო საუბრობს", _ ამის შესახებ ამერიკელმა მილიარდერმა დონალდ ტრამპმა ქართველ ჟურნალისტებს განუცხადა და აღნიშნა, რომ საქართველოს პრეზიდენტთან დღეს დაგეგმილ შეხვედრაზე იმ პროექტებზე გაამახვილებს ყურადღებას, რომელიც საქართველოში მისი ბრენდის საშუალებით განხორციელდება.
"ჩვენ გვყავს საუკეთესო დეველოპერები. შერჩეული გვაქვს არაჩვეულებრივი ადგილი. შენობა რომ მთლიანად დასრულდება, მართლაც საუცხოო იქნება. იანვარში დაიწყო სამშენებლო სამუშაოები და ახლა უკვე დასრულების გეგმები გვაქვს. მის სანახავად მთელი რეგიონიდან ჩამოვლენ. საღამოს ველოდებით პრეზიდენტს, გავემგზავრები ბათუმში, შემდეგ კი სახლში დავბრუნდები. ზღაპრული ადგილია, მომწონს აქ ყოფნა", _ აღნიშნა დონალდ ტრამპმა.
