საქკაბელი" პროდუქციის ასორტიმენტის გაზრდას გეგმავს. კომპანია ქართულ ბაზარზე სახელის დამკვიდრებას პროდუქციის მაღალი ხარისხით ცდილობს
სს „საქკაბელი" 2006 წელს 10 ტიპის 30-მდე დასახელების პროდუქციას აწარმოებდა, დღეს კი ქარხანა 74 ტიპის 2000-მდე დასახელების პროდუქციას უშვებს. წლის ბოლომდე კომპანიაში პროდუქციის ასორტიმენტის გაზრდაასაც გეგმავენ.
"საქკაბელი" ამ სფეროში ქართული ბაზრის მესამედს ფლობს. თუმცა ხელმძღვანელობის განმარტებით ისინი ბაზარზე თავის დამკვიდრებას პროდუქციის მაღალი ხარისხით ცდილობენ.
„ვცდილობთ ხარისხით დავიმკვიდროთ ბაზარზე სახელი. ქვეყანა ვითარდება, შესაბამისად ბაზარი მზარდია. შესაბამისად, ხარისხიან საკაბელო პროდუქციაზე მოთხოვნა დღითიდღე იზრდება. ჩვენ ვცდილობთ დავაკმაყოფილოთ ეს მოთხოვნა," - განმარტავს სს „საქკაბელის" სამეთვალყურეო საბჭოს თავმჯდომარე ედიშერ მამალაძე.
შესაბამისად, ქართული პროდუქცია პოპულარულია მეზობელ სომხეთში, სადაც ექპორტი უკვე 2010 წლიდან ხორციელდება.წელს კიდევ უფრო გაიზარდა შეკვეთები, 2012 წელს დაგეგმილია საექსპორტო პროდუქციის გაორმაგება. „წელს ვგეგმავთ გავიდეთ ევროპაში, აფრიკასა და აზიაშიც," - აღნიშნვს ედიშერ მამალაძე.
„დღეს ქართული ბაზარი ამ კუთხით დაუცვაელია. საკმაოდ ბევრია უხარისხო ანალოგები. ბაზარი რეგულირდება მხოლოდ ცოცხალი ფაქტების შემდეგ, როდესაც ხდება ხანძარი. ამიტომ მომხარებელმა არ უნდა დაზოგოს თანხა საკაბელო პროდუქციის შეძენისას, საქკაბელის პროდუქცია ხელმისაწვდომია და ხარისხიანი. ამასთან პროდუქციის წარმოებისას მისი თითოეული ეტაპი კონტროლდება. გააჩნია მაიდენტიფიცირებელი აღნიშვნები: ვინ არის მწარმოებელი, რამდენ ძაბვას უძლებს, ვინ არის კონკრეტული პასუხიმგებელი ოსტატი და ასე შემდეგ. ამასთან თუ უხარისხო სადენს მოიხმარს მოხმარებელი, 20 პროცენტით ზედმეტია მისი დენის მოხმარება. არის დანაკარგი. ოჯახი ზამთრის პერიოდში თუ იხდის დაახლოებით 100 ლარს, უხარისხო კაბელის შემთხვევაში ეს მაჩვენებელი 130-140 ლარს აღემატება. ეს თემა დღეს აქტუალურია"- გვირჩევენ „საქკაბელში"
შეგახსენებთ, რომ „საქკაბელი" 1959 წელს.დაარსდა. წარმოების რეაბილიტაცია ახალი მენეჯმენტის მიერ 2006 წლიდან დაიწყო და დღეს 74 ტიპის დასახელების 2000-ზე მეტი დასახელების ასორტიმენტს აწარმოებს. 2006-2007 წლებში ქარხანაში 3 მილიონი დოლარის ინვესტიცია განხორციელდა. 2007-2011 წლებში ქართული პროდუქციით რუსული და სხვა იმპორტული პროდუქციის ჩანაცვლება განხორციელდა: მოხდა საქართველოს ქალაქებისა და სოფლების გამრიცხველიანება, შეიცვალა გარე განათების სისტემა საქართველოს მსხვილ ქალაქებში, განხორციელდა საქართველოს რკინიგზისთვის სასიცოცხლოდ აუცილებელი სპეციფიკური კაბელების წარმოება, განხორციელდა ექსპორტი სომხეთის რესპუბლიკაში.
საწარმოში დასაქმებულია 200 თანამშრომელი, რომელთა საშუალო ხელფასი 600 ლარს აღემატება.
