ლონდონის "ჩელსის" ნახევარმცველი, ხუან მატა დარწმუნებულია, რომ მის გუნდს ჩემპიონთა ლიგის ნახევარფინალში "ბარსელონას" დამარცხება შეუძლია.
"ბარსელონა" დიდი კლუბია, რომელიც სხვა მეტოქეებზე ერთი თავით მაღლა დგას. მიუხედავად ამისა, ფეხბურთი სიურპიზებით სავსე სპორტია. "ბარსელონას" დამარცხება შეგვიძლია. მთავარია, მომენტების რეალიზაციას პასუხისმგებლობით მივუდგეთ და დაცვაში მაქსიმალური კონცენტრირებით ვითამაშოთ. ჯერ კიდევ ტურნირის დაწყებამდე, "რეალი" და "ბარსელონა" ჩემპიონთა ლიგის მთავარი ფავორიტები იყვნენ. ჯერჯერობით, ისინი ამ სტატუსს ამართლებენ, მაგრამ ჯილდოსთვის ბრძოლაში ჩვენც შეგვიძლია ჩავერიოთ", - განაცხადა ხუან მატამ.
შეგახსენებთ, რომ ჩემპიონთა ლიგის ნახევარფინალური შეხვედრა "ჩელსისა" და "ბარსელონას" შორის 18 აპრილს, "სტემფორდ ბრიჯზე" გაიმართება.
