დღეს,7 მარტს, საქართველოს კონტროლის პალატაში საზოგადოებრივი მოძრაობა "ქართული ოცნების" საჩივრის განხილვა გაიმართება.
"ქართული ოცნების" იურისტის, ზაქარია ქუცნაშვილის განცხადებით, არ შეიძლება საზოგადოებრივი მოძრაობა "ქართული ოცნება" მონიტორინგის სუბიექტი იყოს.
"არ შეიძლება საზოგადოებრივი მოძრაობა "ქართული ოცნება" მონიტორინგის სუბიექტი იყოს, რადგან ქვეყანაში გამოხატვის თავისუფლებაა", - აცხადებს ქუცნაშვილი.
მისი თქმით, კონტროლის პალატა სრულიად დაუსაბუთებლად ართმევს "ქართულ ოცნებას" გამოხატვის თავისუფლებას.
კონტროლის პალატაში საჩივრის განხილვაზე დასწრება ნებისმიერ მსურველს შეეძლება.