კერძო მედიის საქამიანობაში ჩარევა არის პირველი ნიშანი დემოკრატიაზე უარის თქმის, რასაც ქართული სახელმწიფო არ გააკეთებს. ამის შესახებ საპარლამენტო უმრავლესობის ერთ-ერთმა ლიდერმა ნუგზარ წიკლაურმა Human Rights Watch-ის მიერ საქართველოში მედიასივრცეში არსებულ მდგომარეობაზე გამოქვეყნებული ანგარიშის შეფასებისას აღნიშნა.
"კერძო გაზეთების, ტელევიზიების საქმინობაში ჩარევა არის პირველი ნიშანი იმისა, რომ უარი თქვა დემოკრატიაზე. ქართული სახელმწიფო ამას არ იზამს", - განაცხადა წიკლაურმა და დასძინა, რომ თვითმმართველობის არჩევნების დროს მედიამონიტრინგის ჯგუფებმა საზოგადოებრივ მაუწყებელტან დაკავშირებით, დასკვნა დადეს, რომ არჩევნებში ყველა მონაწილისთვის თანაბარი პირობები იყო შექმნილი.
რაც შეეხება კერძო კომპანიებს, დეპუტატის თქმით, როგორიც არის "რუსთავი2", "კავკასია", "მაესტრო", ასევე ბეჭდურ მედია, რომლის უდიდესი ნაწილიც ხელისუფლების მიმართ კრიტიკულადაა განწყობილი, სახელმწიფოს არ შეუძლია მათ საქმიანობაში ჩარევა და მათთვის მითითების მიცემა, რა საკითხები უნდა წამოწიონ წინ.
