უცხოეთის პრესის ჰოლივუდურმა ასოციაციამ "ოქროს გლობუსის" ნომინანტები გამოავლინა.
ფავორიტი ფილმია "The Artist", რომელიც გასული საუკუნის 20-იანი წლების ჰოლივუდში ვითარდება. ფილმის მთავარი გმირი მსახიობია, რომლის კარიერა უარესობისკენ მიდიოდა. "The Artist" წარდგენილია "ოქროს გლობუსის" 6 ნომინაციაზე: "საუკეთესო კომედია და მიუზიკლი", "საუკეთესო მსახიობი ", "საუკეთესო მეორეხარისხოვანი როლი", "საუკეთესო რეჟისორი", "საუკეთესო სცენარი" და "საუკეთესო ორიგინალური საუნდტრეკი".
ალექსანდრე პეინის ფილმი "The Descendants" , რომელშიც მთავარ როლს ჯორჯ კლუნი ასრულებს მთავარ როლს, "ოქროს გლობუსის" ხუთ ნომინაციაზე არის წარდგენილი. ასევე ხუთ ნომინაციაშია წარდგენილი ტეიტ ტეილორის ნამუშევარი "The Help".
