დღეს, 8 დეკემბერს, 15:00 საათზე, კომპანია "კარლ ცაისი" გერმანიის ეკონომიკური განვითარების ცენტრთან ერთად "ნიუ ჰოსპიტალსის" ოფთალმოლოგიის ეროვნული ცენტრის ბაზაზე ხსნის ამიერკავკასიის რეფრაქციული ქირურგიის ცენტრს და "ნიუ ჰოსპიტალსს" გადასცემს შესაბამის სერთიფიკატს. პრეზენტაცია "ნიუ ჰოსპიტალსში" შედგება შპს.
გერმანიის ეკონომიკური განვითარების ცენტრი ასევე გამოდის ინიციატივით გერმანული სადაზღვევო კომპანიების დაზღვეულები ოფთალმოლოგიური პრობლემებით ამ ცენტრში გამოგზავნონ; რაც პირველი რეალური ნაბიჯია სამედიცინო ტურიზმის განვითარებისთვის, მათ შორის ევროპელი პაციენტი-ტურისტების თვალსაზრისით.
"ნიუ ჰოსპიტლასის" ბაზაზე განახლებული ოფთალმოლოგიის ეროვნული ცენტრი აღჭურვილია გერმანული კომპანია "კარლ ცაისის" უახლესი მაღალტექნოლოგიური აპარატურით, რაც საშუალებას იძლევა საქართველოში ამიერკავკასიის ლაზერული ოფთალმოლოგიის რეფრაქციული ქირურგიის ცენტრის დაარსებისა. ამ უახლესი აპარატურით ტარდება რეფარქციული ოპერაციები, როგორც ხელოვნური ასევე ბუნებრივი რქოვანას გადანერგვისა, აგრეთვე რკალების (femtochannel creation for intracorneal ring implantation) და კერატოკონუსის ლაზერული ქირურგიის განვითარებისა.
"ნიუ ჰოსპიტალში" პირველად პოსტსაბჭოთა სივრცეში უკვე ჩატარდა კერატოპროთეზირების
ოპერაცია ხელოვნური რქოვანის გადანერგვით.
ამასთან "ნიუ ჰოსპიტალსის" ოფთალმოლოგიურ ცენტრს აქვს რესურსი თვალის ლაზერული ქირურგიის სრული სპექტრის ოპერაციების ჩატარებისა, ასევე უმაღლესი ხარისხის ამბულატორიული და სტაციონარული მომსახურება გაუწიოს ნებისმიერი სიმძიმის პაცინეტს მაღალტექნოლოგიურ სადიაგნოსტიკო კვლევებზე.