ბათუმი ხარკოვს აჭარის ეკონომიკაში ინვესტირებისკენ მოუწოდებს. ხარკოვის მერის მოადგილე, ბათუმის მერიის დელეგაციას უკვე შეხვდა. შეხვედრაზე მხარეებმა ორი ქალაქის სამომავლო თანამშრომლობის გეგმებზე ისაუბრეს. ხარკოვის მერის მოადგილის, იგორ ტერეხოვის განმარტებით, ხარკოვი დაინტერესებულია ბათუმის გამოცდილება გაიზიაროს, ბიზნესისთვის ხელსაყრელი გარემოს შექმნაში.თავის მხრივ ბათუმის მერიის წარმომადგენელმა დავით ლეკვეიშვილმა განაცხადა, რომ ბათუმი მზადაა ხარკოვთან ინტენსიურად ითანამშრომლოს, განსაკუთრებით კი ტურიზმის სეგმენტში. ქართულმა მხარემ ხარკოვს თავისუფალ ტურისტულ და ეკონომიკურ ზონებში ინვესტირებისკენ მოუწოდა.
"ჩვენი შეთავაზება ეხება, ქობულეთის ტურისტულ ზონაში ინვესტირებას. ასევე მაღალმთიანი კურორტების განვითარებას გოდერძის უღელტეხილზე და ასევე გოლფ-კლუბის შექმნას"- აღნიშნა აჭარის ფინანსთა და ეკონომიკის მოადგილემ სულხან ჯორთმელაძემ. ჯორთმენაძის განმარტებით, წელს აჭარამ 1 მლნ ტურისტზე მეტი მიიღო და "ჩვენ გვინდა, რომ ტურისტული ნაკადები ბათუმსა და უკრაინას შორის კიდევ უფრო გაიზარდოს".
