დღეს, 6 დეკემბერს, 16:30 საათზე, სასტუმრო "ვერე პალასში" ანტიმონოპოლიურ რეგულირებზე, ეკონომიკის პრობლემების კვლევის ცენტრის ინიციატივით, შეხვედრა გაიმართება.
ეკონომიკის პრობლემების კვლევის ცენტრში განმარტავენ, რომ პროექტის მიზანია ეკონომიკის მდგარადი განვითარების ხელშეწყობა ანტიმონოპოლიური რეგულირების გაუმჯობესებისა და საუკეთესო გამოცდილების ადაპტირების გზით. პროექტი ხორციელდება ფრიდრიხ ებერტის ფონდის მხარდაჭერით.
ცენტრში განმარტავენ, რომ კვლევის შედეგები პერიოდულად მიეწოდება საზოგადოებას და, რაც მთავარია, განსაკუთრებული ყურადღება ეთმობა უკუკავშირის შედეგად მიღებულ ინფორმაციას.
6 დეკემბერს ცენტრი გეგმავს ჩაატაროს შეხვედრები რამდენიმე სამიზნე ჯგუფთან, რათა გაიგოს სხვადასხვა სექტორის წარმომადგენლების მოსაზრებები, განიხილოს კონკრეტული მაგალითები და ასახოს კვლევის შედეგებში. კვლევის შედეგები და რეკომენდაციები გამოიცემა წიგნის სახით პროექტის ბოლო ეტაპზე.
ფოკუსჯგუფის ფასილიტატორები არიან ექსპერტები: დავით ნარმანია და შოთა მურღულია. შეხვედრის ხანგრძლივობაა ერთი საათი.
