"თიბისი ბანკის" რუსთავის ფილიალის ორგანიზებითა და რუსთავის რაიონის გამგეობის ხელშეწყობით, ქვემო ქართლის მოსახლეობისთვის საბანკო საქმეში უფასო ტრენინგების ციკლი ჩატარდება.
პროექტის მიზანია ქვემო ქართლის საკადრო რესურსის კვალიფიკაციის ამაღლება და დასაქმების სტიმულირება, რაც ხელს შეუწყობს ქვეყნის ეკონომიკის განვითარებას.
სასწავლო პროგრამა მოიცავს ბანკის სტრუქტურას, საქართველოში არსებული სესხების ტიპებს, საპროცენტო განაკვეთის გამოთვლას, საკრედიტო რისკებს, ფინანსური უწყისების შედგენას და ა.შ. სწავლების მეთოდოლოგია დაეფუძნება საბანკო საქმიანობაში არსებული რეალური სიტუაციებს მოდელირებას, რომლის საშუალებითაც მონაწილეები მიიღებენ პრაქტიკულ ცოდნას საბანკო სფეროში მუშაობის პრინციპთან დაკავშირებით.
ტრენინგები დაიწყება 21 ნოემბერს. თითოეული სასწავლო ჯგუფი 30 წევრისგან დაკომპლექტდება, სულ კი წლის ბოლომდე ტრენინგს 120 მსურველი გაივლის. ტრეინინგის მონაწილეებს გადაეცემათ თიბისი ბანკის სერთიფიკატები.
ტრეინინგში მონაწილეთა რეგისტრაცია 15 ნოემბრიდან იწყება. მსურველებმა უნდა მიმართონ თვითმმართველი ქალაქის, რუსთავის სამოქალაქო მისაღებს.