2011 წლის საპრივატიზებო გეგმა, რომელიც წლის განმავლობაში 150 მილიონი ლარით იყო განსაზღვრული, იზრდება 170 მილიონ ლარამდე.
როგორც "ჯი-ეიჩ-ენს" ეკონომიკისა და მდგრადი განვითარების სამინისტროდან აცნობეს, საპრივატიზებო გეგმის გაზრდა განაპირობა სამინისტროს მიერ წარმატებით განხორციელებულმა საპრივატიზაციო პროცესმა, რომლის შედეგადაც ცენტრალურმა ბიუჯეტმა უკვე მიიღო 162 მილიონი ლარი.
მათივე ინფორმაციით, ბიუჯეტის კანონში შესაბამისი ცვლილების პროექტი უკვე წარდგენილია საქართველოს პარლამენტში.
ეკონომიკისა და მდგრადი განვითარების სამინისტროში პრივატიზაციის პროცესის წარმატებას საპრივატიზებო სექტორში გატარებულ რეფორმებს და მიმდინარე ეკონომიკურ ზრდას უკავშირებენ.
მასალის გამოყენების პირობები