"საქპატენტის" დელეგაცია ჩილეში საერთაშორისო სიმპოზიუმზე დასასწრებად გაემგზავრა. სიმპოზიუმი მსოფლიო ინტელექტუალური საკუთრების ორგანიზაციის (ისმო) და ჩილეს საპატენტო უწყების მიერ არის ორგანიზებული.
სამი დღის განმავლობაში შეხვედრის მონაწილეები ინდუსტრიული დიზაინის და ზოგადად ინტელექტუალური საკუთრების დაცვის აქტუალურ საკითხებზე იმსჯელებენ. საქართველო აღნიშნულ სიმპოზიუმში პირველად იღებს მონაწილეობას.
სიმპოზიუმში მონაწილეობის გარდა დაგეგმილიაშეხვედრები ჩილეს საპატენტოუწყების ხელმძღვანელ პირებთან. იქედან გამომდინარე, რომ ჩილემ ბოლო 15 წლის განმავლობაში წარმატებით განახორციელა ღვინის რებრენდინგი (ეს ქვეყანა ღვინის გაყიდვის მიხედვით მე-5, ხოლო წარმოების მიხედვით მე-8 ადგილზეა მსოფლიოში) ქართული მხარისთვის საინტერესო იქნება გამოცდილების გაზიარება.
"საქპატენტის" დელეგაციას ინტელექტუალური საკუთრების ეროვნული ცენტრის თავმჯდომარე ირაკლი ღვალაძე ხელმძღვანელობს.
მასალის გამოყენების პირობები