საქართველოში სსფ-ის მუდმივი წარმომადგენელი ედვარდ გარდნერი ცხადებს, რომ 2012 წელს საქართველოს ეკონომიკა 5 %-ით გაიზრდება, ეს იმ ფონზე, როდესაც 2011 წელს ზრდა 6 %-იანი იქნება.
"საქართველოში ეკონომიკური ზრდის მაჩვენებელი იყო საკმაოდ შთამბეჭდავი. 2011 წლის განმავლობაში 6 %-იანი ეკონომიკური ზრდა ფიქსირდება. ზრდის ტენდენცია შენარჩუნდება 2012 წელსაც, თუმცა, მომავალ წელს, 2011 წელთან შედარებით ოდნავ ნაკლები ეკონომიკური ზრდა იქნება და წლიური 5 %-ი დაფიქსირდება", - განაცხადა გარდნერმა.