"2008 წელს მშპ-ს ზრდა გვქონდა 2,3 %-იანი, რაც არის საკმაოდ დაბალი და ბუნებრივია ამ მონაცემებს არ შეეძლო უმუშევრობის დონეზე რაიმე სერიოზული გავლენა მოეხდინა. რაც შეეხება 2009 წელს ეკონომიკის ვარდნა იყო და მშპ-ს ზრდა გვქონდა 3,9 %-იანი და ბუნებრივია აღნიშნულ მონაცემსაც არ შეეძლო უმუშევრობის შემცირებაზე სერიოზული გავლენა მოეხდინა, 2010 წელს "საქსტატის", წინასწარი მონაცემების მიხედვით, გვაქვს 6,4 %-იანი ზრდა. დაზუსტებული მონაცემები გვექნება ნოემბრის ბოლოსათვის. ცხადია უმუშევრობაზე გავლენა იყო, რადგანაც 2010 წელს უმუშევრობის დონე 16,9 %-დან 16,3 %-მდე შემცირდა. თუ რამდენად უნდა იყოს ეკონომიკურ ზრდასა და უმუშევრობის დონის შემცირებას შორის კავშირი ეს მაინც თეორიის საგანია. თუმცა ეს მაინც დამოკიდებული იმაზე, თუ მშპ-ს ზრდაში, რომელი სექტორები დომინირებდნენ. არის სექტორები, სადაც დასაქმება ძალზედ პასიურად ხდება, ხოლო არის სექტორები სადაც სიტუაცია განსხვავებულია. საქართველოში დასაქმების ზრდა ძირითადად მოდის საბანკო სექტორზე, სასტუმროებსა და რესტორნებზე. წლის განვალობაში ამ მიმართულებით ზრდა სახეზეა და ყველაფერს ამას უმუშევრობის დონის შემცირებაზე გავლენა აუცილებლად ექნება. უმუშევრობის დონის შემცირებაზე გავლენას ახდენს ასევე სახელმწიფო ადმინისტრაცია და ბუნებრივია იქაც დასაქმების მასიური ზრდა არ არის. 2011 წლის უმუშევრობის დონის დათვლა ჯერ არ დასრულებულა, რადგანაც წელი არ დასრულებულა"- განაცხადა ზაზა ჭელიძემ.

შეგახსენებთ, რომ სსფ-ის მუდმივი წარმომადგენელი საქართველოში ედვარდ გარდნერი მიიჩნევს, რომ საქართველოში უმუშევრობის მაღალი დონეა. გარდნერი ამბობს, რომ მიუხედავად იმისა, რომ ბოლო პერიოდში ეკონომიკური ზრდა სახეზეა, ქვეყანაში უმუშევრობის დონე ფაქტობრივად შემცირებულა.

გარდნერის თქმით, საქართველოში განათლებული ხალხი ცხოვრობს, თუმცა კონკრეტული საწარმოებისთვის საჭირო სპეციალისტების დეფიციტი შეინიშნება.