უმცირესობის ლიდერმა გიორგი თარგამაძემ "თავისუფალი ვაჭრობისა და კონკურენციის შესახებ" კანონპროექტს ნახევარფაბრიკატი უწოდა. ეს განცხადება თარგამაძემ კანონპროექტის განხილვის დროს პარლამენტის სხდომაზე გამოსვლისას გააკეთა.
თარგამაძის განაცხადებით, კანონპროექტი ვერ ამართლებს იმ მოლიდინს, რაც ევროკავშირს აქვს.
"მოვეკიდოთ საკითხს უფრო სერიოზულად და თანმიმდევრული ვიყოთ", - მიმართა თარგამაძემ მმართველ პარტიას. მისი შეფასებით, ბაზარს აქტიური ანტიმონოპოლიური რეგულირება სჭირდება.
თარგამაძეს უმრავლესობის ლიდერმა პეტრე ცისკარიშვილმა უპასუხა და უმცირესობის ლიდერი გააკრიტიკა.
ცისკარიშვილმა ქრისტიან-დემოკრატებს უთხრა, რომ ბრიფინგებზე და პრესკონფერენციებზე თანმიმდევრულობით იწონებენ თავს, არადა, მათი მხრიდან არათანმიმდევრულობის არაერთი მაგალითი არსებობს.
"ზედმეტი რეგულირება ქვეყანას კარგს არაფერს მოუტანს", - აღნიშნა ცისკარიშვილმა.