გერმანიის სასამართლომ Motorola Mobility-ს Apple-ის წინააღმდეგ მხარი დაუჭირა, თუმცა iPhon-ი და iPad-ი გერმანული დახლებიდან ჯერჯერობით არ გაქრება.
როგორც The Verge წერს, გადაწყვეტილება გაყიდვების დროებით შეჩერების შესახებ Motorola-ს მიერ მიმართული იყო უშუალოდ Apple Inc-ის მიმართ - პირდაპირ კალიფორნიის ოფისის წინააღმდეგ. თუმცა სასამართლოს გადაწყვეტილება მიმართული არ ყოფილა Apple-ის შვილობილი Apple Germany-ის მისამართით.
Motorola-მ სარჩელი ორივე კომპანიის წინააღმდეგ შეიტანა. თუმცა გერმანელმა ადვოკატებმა ყველაფერი გააკეთეს იმისათვის, რომ Apple Germany-ის გაყიდვები არ შეჩერებულიყო.
Apple-ს წარმომადგენლები განმარტავენ, რომ სასამართლოში აპელაციას შეიტანენ და სასამართლოს გადაწყვეტილებას გაასაჩივრებენ.
აღსანიშნავია, რომ Motorola Mobility-ს პრეტენზიები ეხება Apple-ს პროდუქციას, რომელიც ჩართულია iOS-ს ბაზაში და Mac-ის კომპიუტერულ ქსელში.
