რუსეთის ფედერაციამ ლიბიის გარდამავალი ეროვნული საბჭო მომქმედ ხელისუფლებად აღიარა. ამის შესახებ აღნიშნულია რუსეთის საგარეო უწყების ოფიციალურ ვებ-გვერდზე.
საგარეო საქმეთა სამინისტრო "ასევე აღნიშნავს მათ მიერ აღიარებულ რეფორმების პროგრამას, რომელიც მოიცავს ახალი კონსტიტუციის შემუშავებას, ახალი არჩევნების ჩატარებასა და ხელისუფლების ფორმირებას".
გავრცელებულ ინფორმაციაში გამოთქმულია რწმენა, რომ ტრიპოლისა და მოსკოვის ადრინდელი შეთანხმებები "კეთილსინდისიერად შესრულდება".
