რუსეთი სირიის ლიდერის ბაშარ ალ ასადის პრეზიდენტის პოსტიდან გადადგომას მხარს არ უჭერს.
"ჩვენ ასეთ მოთხოვნებს მხარს არ ვუჭერთ და მიგვაჩნია, რომ სწორედ ახლა სჭირდება დრო პრეზიდენტ ბაშარ ალ ასადის რეჟიმს, რომ რეალიზება მოხდინოს იმ რეფორმების, რომლის შესახებაც განცხადება უკვე გააკეთა", - აცხადებენ ლავროვის უწყებაში.
აღსანიშნავია, რომ გუშინ სირიის პრეზიდენტ ბაშარ ალ ასადსა და გაეროს გენერალურ მდივანს პან გი მუნს შორის სატელეფონო საუბარი შედგა, სადაც სირიის ლიდერმა პირობა დადო, რომ ქვეყანაში საკონსტიტუციო და საარჩევნო რეფორმებს განახორციელებს.
შეგახსენებთ, რომ სირიაში არეულობა მიმდინარე წლის მარტში დაიწყო, კერძოდ კი ქვეყნის რამდენიმე ქალაქებში გამართულ დემონსტრაციებზე აქციის მონაწილეები პრეზიდენტ ბაშარ ალ ასადის გადადგომას და რეფორმების გატარებას ითხოვენ.
სირიის ლიდერმა მომიტინგეების წინააღმდეგ სამხედრო ძალები და ტექნიკა გამოიყენა, შედეგად კი ამ დროისთვის არსებული ინფორმაციით, 2000-მდე ადამიანია დაღუპული, რამდენიმე ათეული ათასი დაჭრილი და 10 ათასამდე მომიტინგე კი პატიმრობაში იმყოფება.
ამასთან, სირიის პრეზიდენტის დაუყოვნებლივ გადადგომას ამერიკის შეერთებული შტატების პრეზიდენტი ბარაკ ობამა და ევროკავშირი ითხოვს.
