თურქეთის შეიარაღებულ ძალებს ახალი ხელმძღვანელობა ჰყავს. შეიარაღებული ძალების მეთაური, ასევე არმიის, საზღვაო და საჰაერო ძალების ახალი სარდლები ოფიციალურად დღეს წარადგინეს.
თურქეთის პრეზიდენტმა აბდულა გიულმა ის კანდიდატურები დაამტკიცა, რომლებიც უმაღლესი სამხედრო საბჭოს ოთხდღიან შეხვედრაზე იქნა არჩიული. შეიარაღებული ძალები გენერალმა ნეჩდეტ ოზელმა ჩაიბარა, რომელიც აქამდე გასამხედროებულ ჟანდარმერიას ხელმძღვანელობდა.
შეგახსენებთ, რომ აღნიშნული თანამდებობები ვაკანტური გასულ კვირას გახდა, როცა 4 გენერალი მთავრობასთან უთანხმოების გამო გადადგა. შეიარაღებული ძალების უკვე ყოფილი ხელმძღვანელობა სამხედრო გადატრიალების მზადების ბრალდებით ასობით სამხედრო პირის დაპატიმრებას აპროტესტებდნენ.
