ძლიერი წვიმის გამო სურამში და ხაშურში საცხოვრებელი სახლები დაიტბორა.
შიდა ქართლში პრეზიდენტის რწმუნებულის ზურაბ არსოშვილის განცხადებით, ადიდიებული მდინარე სურამელა საცხოვრებელ სახლებში შვარდა და პირველი სართულები დატბორა.
"სურმაში და ხაშურში მართლაც კატასტროფული მდგომარეობაა. დატბორილია საცხოვრებელი სახლები. ამ დროისთვის მობილიზებულია რეგიონის ყველა სამაშველო სამსახური და საგზაო დეპარტამენტის ტექნიკა. ყველაფერს ვაკეთებთ რაც ჩვენს ხელთაა", - აღნიშნა არსოშვილმა.
შეგახსნებთ, რომ წუხელ მოსული ძლიერი წვიმის გამო რიკოთის უღეტეხილზე სტიქიას 4 ადამიანის სიცოცხლე შეეწირა, ხოლო ორი ამ დრომდე დაკარგულად ითვლება.
