დღეს, 18 ივნისს, 13.00 საათზე, ლადო გუდიაშვილის საგამოფენო დარბაზში ჩატარდება ტურისტული სააგენტოებისთვის განკუთვნილი ინფოტური, რომლის მიზანია, დამსწრე საზოგადოებას წარმოუდგინოს ახლადგახსნილი კულტურული ცენტრი, სადაც შედგება დიალოგი სამომავლო თანამშრომლობის პერსპექტივებზე.
შეგახსენებთ, რომ 6 მაისს თბილისში გაიხსნა დიდი ქართველი მხატვრის, ლადო გუდიაშვილის საგამოფენო დარბაზი, სადაც საქართველოში პირველად გამოიფინა სრულყოფილი სახით მისი ცნობილი გრაფიკული ციკლი "სატირული გრაფიკა 1940-1950".
