საქართველოში სურსათის ხვედრითი წილი სამომხმარებლო კალათაში შედარებით მაღალია და დღეისათვის 40.5 პროცენტს შეადგენს. შესაბამისად, მაღალია ინფლაციის მაჩვენებლის მგრძნობელობა სურსათის ფასების ცვლილების მიმართ. სურსათის ფასები საერთაშორისო ბაზრებზე მნიშვნელოვანი მერყეობით ხასიათდება, რაც თავის მხრივ ინფლაციაზე აისახება, ანუ ინფლაციის მერყეობის არსებითი წილი სურსათის ფასების ცვალებადობაზე მოდის.

"2006-2009 წლების განმავლობაში სურსათზე ფასების ცვლილება მთლიანი ინფლაციის საშუალოდ 50 პროცენტს შეადგენდა.
საერთაშორისო ბაზრებზე სურსათის მკვეთრი გაძვირების ფონზე, 2010 წლის მეორე ნახევრიდან, სურსათზე ფასების მატებით გამოწვეული ინფლაციის წილი მთლიან ინფლაციაში თითქმის 90 მპროცენტამდე გაიზარდა. 2010 წლის განმავლობაში ინფლაცია ზრდის ტენდენციით ხასიათდებოდა. განსაკუთრებით მკვეთრი ზრდა დაფიქსირდა ივნისის შემდეგ, რაც, საერთაშორისო ბაზრებზე ფასების მატების პარალელურად, საბაზო ეფექტითაც იყო გამოწვეული. როგორც ზემოთ აღვნიშნეთ, წლის განმავლობაში ფასების დინამიკაზე ძლიერი იყო ეგზოგენური ფაქტორების გავლენა. 2010 წლის მეორე ნახევრიდან, ინფლაციური წნეხი მოქმედებდა იმპორტირებულ საქონელზე. ნავთობპროდუქტების გაძვირების პროცესმა წლის მეორე ნახევარში მნიშვნელოვნად განაპირობა ინფლაციის ზრდა. გვალვებისა და ხანძრების შედეგად მოსავლის გაფუჭებამ მნიშვნელოვნად გაზარდა მარცვლეულის, მათ შორის ხორბლის, მზესუმზირისა და წიწიბურის მსოფლიო ფასები. იმის გამო, რომ მარცვლეული ერთ-ერთი ძირითადი კომპონენტია მეფრინველეობასა და მეცხოველეობაში, შესაბამისად გაიზარდა ფასები ხორცსა და რძის პროდუქტებზე. ბუნებრივი კატაკლიზმების ფონზე მკვეთრად შემცირდა შაქრის წარმოება, შედეგად საერთაშორისო სასაქონლო ბაზარზე დაფიქსირდა შაქრის უპრეცენდენტო გაძვირება. ფასების მნიშვნელოვანი მატება დაფიქსირდა სიმინდის
ფქვილზეც, რომელიც, ერთი მხრივ, საქართველოში გვალვითა და მცირე მოსავლიანობით, ხოლო მეორე მხრივ, საქონელჩამნაცვლებელი პროდუქტის ეფექტით არის გამოწვეული. სამომხმარებლო ფასების მატებაზე გავლენა იქონია რეგულირებადი ფასების, კერძოდ კი, კომუნალური და სატრანსპორტო მომსახურების ღირებულების ზრდამ. ყველა ამ პროცესის გავლენის შედეგად, 2010 წელს წლიური ინფლაციის მაჩვენებელი მიზნობრივზე (6 პროცენტი) მნიშვნელოვნად მაღალი აღმოჩნდა (11.2 პროცენტი)" ნათქვამია სებ-ის 2010 წლის ანგარიშში.
სებ-ის ინფორმაციით, 2010 წლის განმავლობაში ასევე მაღალი ინფლაცია ფიქსირდებოდა საქართველოს ძირითად სავაჭრო პარტნიორ ქვეყნებში. აღსანიშნავია, რომ საქართველოში სამომხმარებლო კალათის
საკმა ოდ მნიშვნელოვანი ნაწილი იმპორტირებული პროდუქციისგან შედგება. აქედან გამომდინარე პარტნიორ ქვეყნებში ფასების დინამიკა საქართველოში ინფლაციის ანგარიშგასაწევი ფაქტორია. საანგარიშო პერიოდში, მნიშვნელოვნად მაღალი იყო მეზობელ ქვეყნებში სურსათის ფასების ცვალებადობის გავლენა საქართველოში დაფიქსირებულ ინფლაციაზე. წლის განმავლობაში სურსათის იმპორტის 70 პროცენტზე მეტი უკრაინაზე, რუსეთზე, თურქეთზე, ბრაზილიაზე, ყაზახეთ სა და აზერბაიჯანზე მოდიოდა. აღნიშნულ ქვეყნებში ფასების დინამიკაზე საკმაოდ მნიშვნელოვანი გავლენა იქონია საერთაშორისო ბაზრებზე ფასების ზრდამ, თუმცა წლის ბოლოსთვის საქართველოსთან შედარებით დაბალი ინფლაციის მაჩვენებელი დაფიქსირდა. კერძოდ, ინფლაცია თურქეთში 6.4 პროცენტს, უკრაინაში 9.1 პროცენტს, ხოლო ყაზახეთში 7.9 პროცენტს გაუტოლდა. თუმცა, აქვე საინტერესოა 2 წლიან პერიოდში ფასების ზრდაზე დაკვირვების შედეგები.

სამომხმარებლო ფასებმა უკანასკნელი 2 წლის განმავლობაში საქართველოში 14.5 პროცენტით იმატა. ხოლო ამავე პერიოდისთვის, იმპორტის კუთხით მთავარ პარტნიორ ქვეყნებში ინფლაციის
მაჩვენებ ლები შედარებით მაღალი იყო. კერძოდ, უკრაინის ინფლაციის მაჩვენებელი 22.8 , ხოლო ყაზახე თის შემთხვევაში _ 14.7 პროცენტს გაუტოლდა.
ბოლო რამდენიმე წლის განმავლობაში ფასები არავაჭრობად საქონელზე უფრო სწრაფი ტემპებით იზრდებოდა, ვიდრე ვაჭრობად საქონელზე, რაც დამახასიათებელია განვითარებადი ქვეყნებისათვის. კაპიტალის მნიშვნელოვანი მოცულობებით შემოდინებამ გაზარდა მოსახლეობის განკარგვადი შემოსავალი და ერთობლივი მოთხოვნა. ეს ფაქტორი სხვა თანაბარ პირობებში იწვევს არავაჭრობად საქონელზე ფასების უფრო სწრაფ ზრდას, რადგანაც ვაჭრობადი საქონლის ფასებს ძირითადად მსოფლიო ბაზრებზე არსებული ტენდენციები განსაზღვრავს, ხოლო ისეთი მცირე ეკონომიკის გაზრდილ მოთხოვნას, როგორიც საქართველოა, მსოფლიო ფასებზე ზეგავლენის მოხდენა არ შეუძლია და აქედან გამომდინარე ერთობლივი მოთხოვნის ზრდის შედეგად ზეწოლა
არავაჭრობადი საქონლის ფასებზე ხდება. 2008 წლის მეორე ნახევრის შემდგომ ეს ტენდენცია შესუსტდა, რადგან ზოგადი მაკროეკონომიკური გარემოდან გამომდინარე მოთხოვნის მკვეთრი ზრდა აღარ შეინიშნება.

"2010 წლის ბოლოსათვის არავაჭრობად საქონელზე ფასების დონემ 3.2
პროცენტით მოიმატა, ხოლო ვაჭრობად საქონელზე წლიური 16.8 პროცენტი ინფლაცია დაფიქსირდა. ვაჭრობად საქონელზე ინფლაციის ასეთი ზრდის მიზეზი, როგორც უკვე აღვნიშნეთ, საერთაშორისო სასაქონლო ბაზრებზე ფასების ზრდაა. 2009 წლისაგან განსხვავებით, 2010 წლის განმავლობაში წლიური საბაზო ინფლაციის მაჩვენებლები ზრდის ტენდენციით ხასიათდებოდა. აღსანიშნავია რომ ეს მაჩვენებლები 2010 წლის დასაწყისში უარყოფითი იყო, ხოლო შემდგომ პერიოდში მკვეთრად გაიზარდა. თუმცა, წლის ბოლოსათვის დაფიქსირდა საბაზო ინფლაციის მაჩვენებლების კლების ტენდენცია. დეკემბრის დასასრულისათვის, ორი და ერთი სტანდარტული გადახრის ფარგლებში მყოფი პროდუქტებისათვის საბაზო ინფლაციის მაჩვენებლებმა შესაბამისად 7.2 და 7.6 პროცენტი შეადგინა. საბაზო ინფლაციის დინამიკა უკეთესად აღწერს ინფლაციის ზოგად ტენდენციას და ნაწილობრივ გამორიცხავს ერთჯერად და სეზონურ ფაქტორებს"- ნათქვამია ეროვნული ბანკის ანგარიშში.

ცალკეული სასაქონლო ჯგუფების მიხედვით ფასების ცვლილების განხილვა გვიჩვენებს, რომ 2010 წლის განმავლობაში სამომხმარებლო ფასების 22.8-პროცენტიანი ზრდაა დაფიქსირებული სასაქონლო ჯგუფზე „სურსათი და უალკოჰოლო სასმელები". კატეგორიებზე „ალკოჰოლური სასმელები და თამბაქო" და „სხვადასხვა საქონელი და მომსახურება", წლიურმა ინფლაციამ შესაბამისად, 12.4 და 9.1 პროცენტი შეადგინა. საანგარიშო პერიოდის ბოლოსათვის, ტრანსპორტზე სამომხმარებლო ფასები 7.2 პროცენტით გაიზარდა, ხოლო „სასტუმროების, კაფეების და რესტორნების" და „ჯანმრთელობის დაცვის" სფეროში ფასები შესაბამისად, 6.1 და 4.3 პროცენტით გაძვირდა.

სასაქონლო ჯგუფებში „საოჯახო ნივთები" და „საცხოვრებელი სახლი, წყალი, ელექტროენერგია, აირი და სათბობის სხვა სახეები", სამომხმარებლო ფასები 3.9 და 2.4 პროცენტით გაიზარდა. „განათლების" სექტორში ფასები 0.9 პროცენტით გაიზარდა, ხოლო სასაქონლო კატეგორიაში „ტანსაცმელი და ფეხსაცმელი" წლიურმა ინფლაციამ 0.6 პროცენტი შეადგინა. 2010 წლის ბოლოსათვის, სამომხმარებლო ფასების კლება დაფიქსირდა „კავშირგაბმულობის" და „დასვენება, გართობა, კულტურის" სფეროებში, შესაბამისად, 6.9 და 0.4 პროცენტით. საქონლის მოხმარების ხანგრძლივობის მიხედვით ფასების ცვლილების განხილვა გვიჩვენებს, რომ 2010 წელს წლიური ინფლაციის მაჩვენებელი მაღალია ხანმოკლე მოხმარების საქონელზე _ 16.0 პროცენტი. საშუალო ხანგრძლივობის მოხმარების საქონლისათვის წლიური ინფლაციის მაჩვენებელი 0.8 პროცენტს შეადგენს. ხანგრძლივი მოხმარების საქონელზე 2010 წლის განმავლობაში სამომხმარებლო ფასები 4.3 პროცენტით გაიზარდა. რაც შეეხება მომსახურებას, 2010 წლის ბოლოსათვის, სამომხმარებლო ფასები გაწეულ მომსახურებაზე 1.5 პროცენტით გაიზარდა.