დღეს, 13 ივნისს 14:00 საათზე გორის სასწავლო უნივერსიტეტში, აგვისტოს ომზე პოლონელი რეჟისორების - Dorota Petrus, Bogdan Lęcznar მიერ გადაღებული ფილმის "სახლი" პრეზენტაცია გაიმართება.
ფილმი სახელწოდებით ,,სახლი" მოგვითხრობს 2008 წლის ქართულ-რუსული ომის შესახებ, სადაც ნაჩვენებია მოქალაქეების თვალით დანახული ომი. ფილმში არ ჩანს არც ტანკები,არც თვითფრინავები,არც შეიარაღებული ძალები. ,,სახლი " არის ამბავი იმ ხალხის, რომლებმაც საფრთხე იგრძნეს და თავშესაფარი მთებში ერთ- ერთ ოსურ ოჯახში მოძებნეს. ერთ ჭერქვეშ ცხოვრობდნენ სხვა და სხვა ეროვნების ხალხი: რუსები,სომხები,ქართველები და ოსები. ესენი ყველა ერთად გააერთიანა ომის უარყოფამ, შიშმა, აღშფოთებამ და საკუთარი სახლებიდან გადახიზვნამ.
„სახლის" პრეზენტაცია თბილისში 16 ივნისს ჯავახიშვილის უნივერსიტეტის იურიდიულ ბიბლიოთეკაში გაიმართება, ხოლო 17 ივნისს ბათუმში.