შემოსავლის დამალვისთვის კანონით გათვალისწინებული საურავი უქმდება. აღნიშნულთან დაკავშირებით ცვლილება "საგადასახადო კოდექსში" შედის.
"დღეს არსებული ნორმის თანახმად, მაგალითად, როდესაც პირი აცხადებს, რომ თვის განმავლობაში შემოსავალი ჰქონდა 100 ლარი, ტარდება იგივე პერიოდის ქრონომეტრაჟი იმის დასადგენად იყო თუ არა ეს მართლაც ასე და თუ დადგინდა, რომ პირს შემოსავალი ჰქონდა არა 100, არამედ 1 000 ლარი და დამალა, მას შესაბამისი თანხის გადახდა მაინც ეკისრება და ამას საურავიც ემატება", - განუცხადა "ჯი-ეიჩ-ენს" მთავრობის საპარლამენტო მდივანმა გია ხუროშვილმა.
მისივე განმარტებით, კანონპროექტის მიხედვით, ასეთ შემთხვევაში პირს მხოლოდ შესაბამისი ოდენობის თანხის გადახდა დაეკისრება და საურავი, რომელიც კანონის მოქმედი რედაქციით აღნიშნულ თანხას ემატება, გაუქმდება.
