საქართველოს ტექნიკური უნივერსიტეტის ბიზნეს-ინჟინერინგის ფაკულტეტის საერთაშორისო ურთიერთობათა სპეციალობის მესამე კურსის სტუდენტებმა ლაშა ვაშაკიძემ, ოთარ თევდორაძემ, ეთერ ვაშაკიძემ და თეიმურაზ მიმინოშვილმა უკრაინაში გამართულ სტუდენტურ ფორუმში მიიღეს მონაწილეობა. ქართველი ახალგაზრდები უკრაინაში კიევის პოლიტექნიკური ინსტიტუტის რექტორის, მ. ზგუროვსკის მიწვევით იმყოფებოდნენ.
საქართველოს ტექნიკური უნივერსიტეტის სტუდენტებმა მონაწილეობა მიიღეს სპორტულ შეჯიბრებებში. 30 გუნდიდან ჩვენმა გუნდმა მეოთხე ადგილი დაიკავა. ქართველმა სტუდენტებმა ჩაატარეს პრეზენტაცია, სადაც წარადგინეს საქართველოს ტექნიკური უნივერსიტეტი და ზოგადად, საქართველო.
როგორც სტუდენტები აცხადებენ, საქართველოსთან დაკავშირებული ინფორმაცია ყველამ ინტერესით მოისმინა. იყო შეკითხვებიც ჩვენს ქვეყანასთან და სტუ-სთან დაკავშირებით. ქართველი სტუდენტები შეხვდნენ კიევის პოლიტექნიკური ინსტიტუტის პრორექტორს, ვლდიმერ კარპოვიჩს, რომელმაც გამოთქვა სურვილი, რომ ეს ურთიერთობა გაგრძელდეს და კიდევ უფრო გაღრმავდეს.
"KPI Connecting People" ყოველწლიური სერთაშორისო კულტურულ-სამეცნიერო სტუდენტური ფორუმია.
