ხვალ, 12 საათზე ტოტალის დირექტორი ევროპასა და დსთ-ს ქვეყნებში ჟან ლუი ბონენფანტი კომპანიის სხვა წარმომადგენლებთან ერთად თბილისში, თორნიკე ერისთავის ქუჩაზე და მტკვრის მარჯვენა სანაპიროზე მდებარე ვისოლის ავტოგასამართ სადგურებზე „ვისოლ ავტო ექსპრესის" ორ ახალ ობიექტს გახსნის. ვისოლის ფრანგი პარტნიორები საქართველოში ბიზნესის გაფართოების გეგმებსაც დასახავენ. ტოტალი საქართველოში საავტომობილო ზეთებთან ერთად გემების ზეთებისა და საპოხი მასალების იმპორტს იწყებს.
„ვისოლ ავტო ექსპრესი" 2011 წლიდან დამკვიდრდა საქართველოს ბაზარზე და ერთადერთ ავტომომსახურების ცენტრების ქსელს წარმოადგენს მთელი ქვეყნის მასშტაბით. კომპანიის ავტომომსახურების ცენტრები უმაღლესი ხარისხის ტოტალის ფრანგული საავტომობილო ზეთების და სხვა საპოხი მასალების გარდა მომხმარებელს ავტომობილების გაზზე გადაყვანის სერვისს, საბურავებს და ვულკანიზაციისა და ბალანსირების სრულ მომსახურებისაც სთავაზობს.
